25 C
Shillong
Tuesday, May 21, 2024

PHAH TOHKIT BNIAH U CONRAD IA KA JINGLAP BOM IED IOH DEI KA IASYLLA POLITIK

HEADLINES

U Myntri Rangbah ka Jylla uba dei ruh u President Rangbah ka National People’s Party (NPP) u la phah ban tohkit bniah halor ka jingleit buh bom IED hakhmat ka ophis treikam jong ka NPP kaba don ha Lachmiere, ioh ka dei ka jingia sylla politik khamtam namar ka Jylla kan sha ka election shiteng samoi ha ki 3 tylli ki constituency.
Haba iakren mynta ka sngi, u Myntri Rangbah u la ong ba ka tnat pule kan leh ia kaba donkam ha kaba ia dei bad ka jingtohkit bad ia kiwei ki jingdonkam. U la ong ba ka Sorkar ka la iabor beit ha ka tnat pulit.
Ha kawei ka liang u la ong ba kum ka seng sainpyrthei kam sngew iahap satia ia kum kine ki jingleh bad u la kren shai ba kum kine ym lah ban pdiang ha ka sainpyrthei, bad u la pynrem ruh ia katei ka jingjia. Ha kajuh ka por u la kyntu ia ki nongtrei bad ki nongkyrshan ka NPP ba kim dei ban tieng namar kum ki nongialam kin don ryngkat lang na ka Sorkar.
U la ong ba kum kine ki jingpynyriem kin nym pynsheptieng satia ia ka party, ha kaba u la ong ruh ba ka dei ban don ka daw balei ha kum kane ka por ki pynmih ia kine ki jingjia, khamtam shisngi shwa ban rung NPP ki nongialam na Mawphlang bad shwa ka bye election, bad kane ka long kaei kaei kaba hap ban khmih bniah.
Haba kylli, u la ong ba ka tnat pulit kan sa leh ia kaba donkam, bad u la iathuh ruh ba u la pan kaiphot bad ki Heh pulit halor katei ka jingjia. U Myntri Rangbah u la ong shuh shuh ba ym lah ban khein sting ha kaba ia dei bad ka kam sainpyrthei halor katei ka jingjia, bad bynrap ba na la liang ka Sorkar kan bishar biang ia ki bor pahara ban pynkhlain shuh shuh.
- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

TRENDING