20 C
Shillong
Tuesday, March 5, 2024

Pynlong Jingïalang Paidbah u MLA ban ïathir ïaka job Reservation Policy jong ka jylla.

HEADLINES

Nongpoh, Jylliew 01: Haka jingïakynduh lang jong ki paidbah nongshong shnong jong ka thai Ribhoi ba la pynbeit da u MLA ka Nongpoh Constituency u Bah Mayralborn Syiem, Ban ïamir jingmut halor ka jing pynthymmai ïaka Job Reservation Policy jong ka Jylla, La wan ban ïa ai jingmut da ki riew rangbah jong ka Thaiñ Ribhoi u Bah RR Makdoh, Ex CEM ka jylla, u Bah RB ShadapShadap u ba dei ruh President ka Ribhoi Dorbar, u bah Bathok Nongmlieh, Ki Nongïalam jong ki kynhun Seng Bhalang bapher bapher, Ki Nongïalam shnong, ki Nongïalam ka seng samla bad kiwei kiwei ki riew paidbha, ha kane ka sngi la ïa don ryngkat lang ruh da u MDC ka Nongpoh u Bah Balajied Rani.

Ka phang kaba kongsan eh jong kane ka jongïalang ba la khot da u MLA ka Nongpoh ka long ban ban twad jingmut na ki paidbah kaei kaba ki don ban pyngsngew halor ka policy bhah thungkam bad ban ïa mir jingmut lang bad ki paidbah ban ïoh sngew ïaki jingkwah jong ki kumno ban pynthymmai ïaka policy ha shwa ban poi sha ka jingïakren bad ka Sorkar.

Haba kren sha ki lad pathai khubor naka liang u Bah Mayral Born Syiem MLA ka Nongpoh u la pynpaw ïa baroh kiba la wan ban shim bynta ha kane ka jingphylliew jingmut naduh ki longkmie ki longkpa ki nongïalam shnong, ki khun samla bad ki sengbhalang bad naka liang u MLA u don ka jingsngewkhia halor kane ha kaba naduh ki por bala dep kala don ka jingïasyllok, hynrei dang donkam shuh shuh ka jingphylliew jingmut ban ioh shuh shuh ka jingai jingmut namar ba ka jingpynkylla ïaka Reservation Policy haka jylla ka dei ka mat bad ka jingdawa kaba la slem.

Hynrei hadien ka jingkhih biang jong ka jingdawa, u MLA u la ai khublei ïa u Bah Ardent Basaiawmoit u ba la lam lynti biang ban pynim ïa kane ka mat jingdawa bad kumjuh ruh ïaka sorkar hadien ka jingïakren kiba bun ka sorkar ruh kala don bynta ban sngap ïaka jingeh, namar kala dei hi ka por ban pynkylla lane pynthymmai tangba ha kata ka rukom ba kam dei ban noh shilliang ïa baroh ki jaitbynriew haka jylla ka jong ngi.
“Dei nakata ka daw ha kane ka sngi hadien bala ioh ban phylliew jingmut bad ki paidbah na kylleng ka Nongpoh bad ka dong Ri-Bhoi kat kiba lah ban ïapoi, la ioh ïaki jingai jingmut bapher bapher bad lyngba katei ka sngi yn rah pat bad pynsngew sha ka sorkar, namar kano kano ka rai ba dei ban shim ka dei beit ka rai jong u paidbah” la ong u Bah Mayral

 

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

TRENDING