13.4 C
Shillong
Thursday, March 28, 2024

SDANG KA SORKAR BAN WAD IA KI LAD PYNKYNRIAH IA KI CRPF SHA KI JAKA BA THIKNA

HEADLINES

SHILLONG, NAILUR 29: Ka Sorkar Jylla ka la iaid shakhmat ban pynkynriah ia ki pulit CRPF bad ban buh ia ki ha kawei ka jaka ba thikna. Ka Sorkar mynta ka sngi hapoh ka jingialam u Myntri Rangbah, ba la don lang ruh u Symbud Myntri Rangbah bad u Myntri Kam Pohïing ka la iakren ia kane ka phang bad ki heh CRPF ha kaba la iatai sani bha kumno ban wad ia ki lad na ka bynta ban pynkynriah ia ki CRPF na ki jaka ba don jingwit ki paidbah.

U Myntri Kam Pohïing ka Jylla, u Bah Lahkmen Rymbui u la ong ba ka Sorkar ka la bishar ruh ia ka rukom buh pahara ia ki CRPF hapoh ki bynta jong ka nongbah Shillong, bad kumjuh ia ki jaka ba thikna ban pynkynriah ia ki CRPF ka ban long ka jaka sah.

U la ong ba ki pulit CRPF ki long kiba donkam ha ka jingpahara i aka nongbah na ka bynta ka jingshngain ki nongshong, hynrei kumba ka long mynta la hap ban pynsah ha kiba bun ki jaka, bad na ka liang u Myntri Rangbah u la shim khia ban pynbeit ia kane ka kam, hynrei ha ka jingiakynduh ba mynta ka sngi ym pat shym la lah satia ban shim ia kano kano ka rai.

Lah ban kdew ba ka la don ka jingdawa ba la slem na kiba bun ki liang ban pynkynriah ia ki jaka sah jong ki pulit CRPF na ki jaka paidbah, khamtam na ki nongshong shnong ka Mawlai, kiba ha u bnai ba la dep ruh ki la pynjur ka jingpyrshah ia ka jingdon ki CRPF kiba thaw jingkulmar, khamtam hadien ka jingjia ha ka miet jong ka 15 tarik u Nailar mynta u snem.

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

TRENDING