19.5 C
Shillong
Sunday, June 16, 2024

I KUMBA KIBA DON HA KA SORKAR KI TIENG BAN ÏATAI NE BAN JUBAB HALOR BUN KI JINGKYLLI: AMPAREEN

HEADLINES

SHILLONG, NAILUR 29: Ka MLA jong ka Congress na East Shillong, ka Dr Mazel Ampareen Lyndoh ka la pynpaw i aka jingsngewkhia halor ka jingsdang ban lyngkot ki sngi pynlong dorbar hapoh ka jingialam ka Sorkar Meghalaya Democratic Alliance (MDA, ha kaba ka la ong ba kane ka jinglong jingman kan ialam i aka Jylla shadien.

Ka ïingdorbar thawaiñ ka dei ka jaka ha kaba kum ki nongmihkhmat kiba la jied da ki paidbah ba kin leit ban ïatai bad ban shna ïa ki aiñ na ka bynta ka jingbit jingbiang jong ki nongshong shnong, hynrei kumba ka paw ha kine ki khyndiat snem, la sakhi ba ki sngi ban shong dorbar jong ki nongmihkhmat ka la duna bha, khamtam naduh u snem ba la dep na ka daw ka jingwan jong ka khlam COVID-19.

Ka Dr Ampareen ka la ong ba kum ki nongïalam kiba la jied da ki paidbah, ka bynta ba hakhmat duh ba ki dei ban leh ka long ban iatai hapoh ka ïing dorbar da kaba rah ïa ki mat kiba pher bapher na ka bynta ka bit ka biang jong ki paidbah bad ka Jylla baroh kawei, hynrei kumba ka paw hapoh ka jingialam jong ka sorkar MDA kaba mynta, i kumba ki briew kiba don ha ka liang synshar ki tieng ban ïatai ne ban ai ki jingjubab halor kiba bun ki jingkylli kiba la wanrah da ka Liang Pyrshah.

Ka la ong ba ka jingaidaw ba don ka khlam, ka long kaba sngew lyngngoh namar sha kiwei pat ki jylla jong ka ri ïa ka ïingdorbar la pynïaid beit shakhmat da kaba bud ia ki kyndon ban iada.

Ka Dr Ampareen kaba dei ruh ka Working President jong ka MPCC ka la ong ha ka jingshisha la dei ban ailad ia ki MLA kiba dei ki nongthaw ain, ban iakynduh bad iamir jingmut ban sei madan ia ki mat bad ban ioh jubab na ka sorkar. Ka la ong ba ha kine ki 2 snem ba la dep, watla ka khlam ka wan, sha kiwei ki jylla ka ri la iohi ba ka khlem don ka jingpynduh sngi ban pynjlan ia ka jingshong dorbar.

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

TRENDING