Shillong: U Eugeneson Lyngdoh khun jong u Rgh S.K Sun bam kwai ha dwar U Blei, ba la Pynbna mynta ka sngi ba un khreh ba un iakhun ia ka elelction shiteng samoi napoh ka Mawphlang Constituency, u la wan shakhmatt bad kawei ka kular bad katta ka long ba un buddien tiap pa tiap ia ka kam kaba dang sah haba iadei bad ka madan First Ground, jong ka Shillong Sports Association ha madan Polo.
Haba kren shabar ka jingialang ban pynbna iakhun ia kane ka elelction shiteng samoi, u Eugene u la ong ba kampher wat lada un shah jied rugh pat ha ka SSA ban long kum u nongialam, hynrei ma u kum u khun, u klopi ban shim ia ka jingkitkhloieh ban peit bad iohi ba kaei kaba u kpa jong u ba dei u President ka synjuk u la sdang, ka thong hi ka long ban pyndep ia ka kam.
Haba iadei pat bad ki kam ba iadei bad ki artylli ki klob koiba u bahdeng Sun u la seng, u Eugene u la ong ba ka Rangdajied bad ka Nangkiew Irat ki la dei ki khun ki jong Bahdeng Sun kaba ka jingthmu ha lyndet ka jingseng ia kine ki ar tylli ki klob ka long ban plie ia ka lad ka lynti ia ki khynnah na kane ka jylla ban pyni ia la ka jong ka sap hapoh ka rynsan ialehkai Phutbol ha madan Polo, kaban plie lad pat ia ki ba kin ioh ban mihkhmat pat ia ka ri, kumta kaei kaba u kpa jong u ula leh, u Eugene u pynpaw ba ka kam ban kyrshan ia kine ki artylli ki klob kan iai bteng.
Haba jubab halor ka jingkylli la un iadon bynta pat ne em bd ka SSA, u Eugene u ong ba ia kane ka phang um lah ban kren ne ong eiei hynrei kan shong ha ki dkhot bad ki nongpyniaid ki jong ka.
