U nongialam rangbah ka National People’s Party (NPP), uba dei ruh u Symbud Myntri Rangbah ka Jylla u Bah Prestone Tynsong u la ong, wat ailad ba u thlen un bam ia ka jait jong ngi, da kaba bynrap ruh ba ki riew khraw mynshwa ki ong ba u thlen u bam tang ia ki para khasi. Ia kane u Bah Prestoen u la kren halor ka jingshah byrngem ki nongtrei ka party ha ka kynhun kiengatiar Hynniewtrep National Liberation Council.
Haba kren ha ka jingialang mynta ka sngi ha Mawphlang, u Bah Prestoen u la ong ba ki don kiba byrngem ia kiba trei ha ka NPP, bad u la buh ruh da u dak Jingkylli ia kita ki briew, balei phim sngewsarong ba u National President u dei u Conrad Sangma, balei phim sngewsarong ba u Prestone Tynsong u dei u National Vice President.
U la iathuh ba naduh mynstep ka la don ka jingpynsngew na kiba bun ba ki tieng ki smiej, hynrei u la ong ia ki ba kim dei ban tieng hynrei dei ban iaid shakhmat ban shakri ia ka jaidbynriew ia ki paidbah kiba rit paid ha ka ri baroh kawei.
Ha kane ka sngi u nongialam ka NPP u la iawer paidbah bvan pyniasoh sha ka party namar ka NPP ka deio kaba la ithuh ha baroh kawei ka ri India, da kaba u la ong ba u kren ia kane ka kyntien da ka jingsngewkhia mynsiem, bad ha kajuh ka por u la kyntu ruh ban ieng tylli kawei ban kiew ka jaidbynriew bad kumjuh ka Jylla. U Bah Prestoen u la ong shuh shuh ba ki don imat ki bym kwah ban peit ba ka party na Meghalaya kam ia jngi ha ka sainpyrthei ha Delhi.
