PYNLONG JINGIAKYNDUH LANG KA SENG KYNTHEI MAWLONG NONGTLUH

Ka Seng Kynthei Shnong Mawlong Nongtluh, mynta ka sngi kala pynlong ka jingkynduh lang (General Meeting) ba shisien shisnem ha Auditorium haka shnong Mawlong ban nang pyntyllun ïaki kam ki jam ban dang ai ka jingshakri ïaka shnong ka thaw bad ka imlang ka sahlang, bad kumjuh ruh ban kynmaw burom ïaki nongïalang bad ki nongseng kiba la leit noh.
Hakane ka sngi la iadonlang dau mla ka Nongpoh bah mayral born syiem kum u kongsan u mdc ka nongpoh bah Balajied Ranee,I Kong I khymdeit president seng kynthei, ki rangbah shnong ki samla bad ki wei
Ha katei ka jingïakynduh lang, ka seng Kynthei ka la pynkup burom ïa u heprit Iomanly Dkhar u ba dang 11 snem ka rta naka shnong Mawlong Nongtluh u ba la leh ïaki kham shlur ban pynlait im ïala u jong u para u ba la ngam jyllop ha kawei ka pung kaba don ha katei ka shnong, dang haki khyndiat bnai kiba la leit noh bad kumjuh ruh ka jingpynkup burom ïaka kong S Mawphñiag kawei naki longkmie kaba la ai ka jingshakri ha katei ka shnong lyngba shibun ki kam, ASHA, Aganwadi kiba la trei borbah ha kane ka khlam Covid-19
Naka liang u Bah Mayral Born Syiem MLA bad u Bah Balajied Ranee MDC haba kren ha katei ka sngi kila pynpaw ïaka jingsngewkmen ban iohi ba ki longkmie ha katei ka shnong ki don ka jingkitkhlieh bad ka jingïatylli ban pyntyllun ïa shibun ki kam ki jam ban tei ïaka iing ka sem bad ka imlang ka sahlang kaba lait naki kam sniew kham thala, namar ki longkmie ki don ka iktiar ban ïada bad wanrah ïaka imlang ka sahlang, kumba ki dei ki nonglum nongda ïaka iing ka sem bad ki khun ki kti.
Kila ong ruh ba kane ka juk kadei kaba juk kaba bun ki samla ki ngop haki kam thala naduh ka dih buaid ïaki jingdih bapher bapher, ka kren sih kren sang haki lynti shnong, ka ïashoh ka ïashoh ïadat kaba pynijli ïaka shnong ka thaw bad ka imlang ka sahlang, hynrei ka jingïaroh ka dei sha ki longkmie ba bunsien dei maki kiba mih ban wanrah jingsuk bad pynduhjait ïaki kam sniew.
Kila kyntu ruh ïaki longkmie, ki khun samla bad ki longkpa ha katei ka sngi ban long kiba kitkhlieh ïaka iing ka sem, ka imlang ka sahlang ban wanrah ki jingkylla bad ki nuksa ba bha sha kiwei pat ki shnong bad lyngba kane lah ban kyntiew ïaka shnong ka thaw
Naka liang u MLA ha katei ka sngi u la noh jingïarap ruh sha ka Seng Kynthei bad kumjuh ruh sha utei u heprit u ba long u riewshlur ban pynlait im ïala u jong u para, katba naka liang u MDC u la kular ban mang pisa ban shna ïaka kynroh jong ka ophis ka Jingïaseng kynthei.