Shillong: U Prof. (Dr.) Nalin Mehta Director “North Eastern Indira Gandhi Regional Institute of Health & Medical Sciences” NEIGRIHMS u la buh hakhmat ia u ia ka thong bad kawei na kata hi ka long ban ialeh ban tem ne khmih bniah lut ia ki jingduna kiba la shah eh hakhmat ia kane ka shlem ai jingsumar bad hikai kaba don ha ka jylla.
Haba iakren bad ki lad pathai khubor, u Mehta u pynpaw ba ia mynta, ka jingduna ha kane ka jaka hi ka dei ka jingbym don pura bha ki nongtrei ha baroh ki bynta, ha kaba u la kam ba u la buh ha u ia ka thong ban sdang ban pyniaid shakhmat ia ka kam ban khreh ban thung ia ki briew ha kine ki khyndiat bnai kiban sa wan.
K athong kaba ar ba u Mehta u la pruid dak, ka long ban pyndep ia ki jingtei kiba dang sah khamtam haba iadei bad ka regional cancer centre bud pat sa kiwei kiwei ki jingtei kiba la shu sah khongreng hadien ba la wan ban lyngshop noh ka Covid 19, haba bat kham bniah halor ka regional cancer centre, u Mehta u la ong ba ka kam ka la sdang ban tyllu biang shakhmat.
U Mehta u la an ban shimti ia kaneka kam ha ka 11 tarik mynta u Nailur kaba ha shwa ia kane u la bat kum u Professor of Physiology jong ka All India Institute of Medical Sciences (AIIMS), New Delhi.
Hynrei kawei na ki kam kaba eh bad ba jat tam ha ka jingim ka jong u ka long ki 16 bnai ka jingdon lang ka jong u bad ka kynhun wad bniah ne ka 12th Indian Scientific Expedition Research Base – Maitri – ha Antarctica katta naduh u Nohpah jong u snem 1992 hjadih u Iaiong 1994.
