Shillong – Ia ka State Level Observation ka National Voluntary Blood Donation Day la rakhe mynta ka sngi ha Cilia Hall kaba don ha Don Bosco Youth Centre Laitumkhrah ia kaba la pyniaid da ka Meghalaya Aids Control Society, State Blood Tranfussion Councils.
Ia katei ka jingrakhe jong ka jingai snam la wan shim bynta da bun ngut ki samla kiba ju noh syniang bunsien ia ka snam namar ka jingdonkam jong ki paidbah kiba donkam kyrkieh ia kaba la plie paidbah da u Sampath Kumar, IAS uba long u Principal Secretary, Health & Family Welfare Department ka Sorkar Meghalaya bad u President Meghalaya Aids Control Society.
Ha katei ka jingrakhe ia ka jingaisnam ei la iadon lang ka Dr. C. Budnah Member Secretary State Blood Tranfussion Councils, ka Dr. R. Allya project Director ka Meghalaya Aids Control Society bad kiwei pat ki kynrem ki lyndan.
Shuh shuh katei ka jingrakhe ai Snam ei la sam ia ka khusnam bad ki memonto sha ki nong nohsyniang snam ba la bunsien da u kongsan.
