U bah Ardent Miller Basaiawmoit, MLA barim ka Nongkrem Constituency, u la mih shakhmat ban pyna iar sha ki paidbah ka jylla bad katta ka long ka jingseng ia kawei ka seng sain pyrthei riewlum kaba thymmai ba la ai kyrteng ia ka Voice of Peolple Party, ha kaba ka thong jong ka, ka long ban lah ban ai ia ka synshar kaba khuid, ka shongsuk ka shong sain bad ka jingshngain.
Ia kane ka rai ban seng ia ka seng sain pyrthei kaba thymmai u bah Ardent u la wan shakhmat ban [Pynbna ha ka jingiakynduh bad ki lad pathai khubor hynne ka sngi Hatmajai jong ka taiew.
Hadien kane ka jingpynbna, u bah Ardent u shim ia ka kabu ban wer ia ki paidbah ba kin ia shim bynta lang ban wanrah ia ka jingkylla ha ka synshar ka khaddar bad kren da kaba skhem ba ka jingjied u paidbah ia kane ka party kan dei ruh ka jingjied ia ka jingkylla bad kaba pura.
Ki nongkitkam jong kane ka seng sain pyrthei ki long bah Ardent kum u President, vice president Dr Kara H Shen Rtd Professor St Anthony’s College, Genl Secy Dr A.J Syngkon Asst Professor NEHU M.Com, MA Economic Phd (Ecnomic), Asst Genl Secy cum Spokeperson Dr Batskhem Myrboh Asst Proffessor (political Science) Synod College, Organising Secretary (in charge Garo Hills) Rocky Marak.
