Shillong, Risaw 19 : U Bah P.T Sawkmie, MLA barim u la ong ba ka por ka la poi ba ki nongialehkai football jong ka jylla ki dei ban practice ne kilanmet ha ki madan phlang bad kumjuh ha ki madan Futsal.
U Bah Sawkmie u la kren ia kane ha ka football final jong ka Umjathang Sport Club kum u kongsan ha ka jingdon ryngkat u rangbah dong u bah TS Kharumlong, ki dkhot nongkitkam ka club bad kiwei kiwei.
U la pynpaw ia ka jingsngewkmen ba ki la ioh ban plie ia kane ka lympung iakhun ha ka taiew ba leit bad ha ka sngi Saitjain ka 17 tarik u Risaw ki la ioh ban pynkut.
U la bynrap ba u angnud ba ka Mawsiatkhnam ruh kan ia shim bynta haka lympung 4th Division jong ka Shillong Sports Association ha madan Polo.
Ha kane ka sngi la ioh ruh ia ka jingkren na u bah Kharumlong, uba la pynpaw ia ka jngsngewnguh bad ai khublei ia u bah PT Sawkmie, kiba la ioh ban pynlong ia kane ka Inter Dong Tournament.
Ha kane ka Inter dong phutbol jong ka Umjathang SC la iohrah da ka Lumheh SC, ka club kaba dang shu dep thaw thymmai ha kine ki khyndiat sngi da kaba pynliem ia ka Umjathang da 4-3 ha ka jingiashut tie-breaker hadien ba ki la iakhaid da 0-0 ha ka jingialehkai kaba 70 minit jong ki ha madan Umpling Umjathang, Mawsiatkhnam.
Ki nongialehkai footbal ki dei ban practice ha madan phlang bad futsal: PT Sawkmie
