Ha kine ki taiew ba la dep,ka kam (issues) ban pynjah noh ia ki kyrdan jong ka jingsiew tulop ha ki skul deficit (,existing deficit system) bad ki skul sorkar(govt.schools) ka la sdang khih win hi puk hadien ba ka tnad Education ka sorkar Meghalaya ka la pynmih ki jingpynbna paidbah(official notifications) kaba kren shai ba ki nonghikai kiban sa hikai ha ki skul deficit bad Govt.skul nangne shakhmat ter ter yn siew noh da ka Structure Pay Framework(SPF) kumba siew lem ia ki Nonghikai kiba hikai ha ki skul Adhoc bad SSA . Ka la mih ruh bun ki kynhun nonghikai bapher bapher ki bym iahap bad sngew pyrshah ia katei ka rukom siew tulop thymmai ha ki kyrdan deficit bad govt.skul.Ha ka jingshisha ,ki nonghikai ha ki skul Deficit bad Govt.skul ki dei ki kam kiba hap ha ki sanctioned post ne permanent post ne regular post.Katkum ki State Pay Commission bapher bapher ba la thaw(constituted) da ka Sorkar Meghalaya, kine ki post la thoh shai ba ki dei ban ioh(enjoyed) ka tulop(salary) bad kiwei kiwei ki jingmyntoi(allowance benefits) kiba ia ryngkat lang hi kumjuh kumba ioh ne siew ia ki nongtrei sorkar(Govt.employees).Ki nonghikai kiba kham heh kyrdan(higher qualifications) bad ki nonghikai ba la kham rim(senior teachers) ki deii ban kham ioh ia ka jingsiew kaba kham heh shuh shuh.Ka State Pay Commision ka ju buh ruh ia ka jingpynbeit ba ryntih(level of pay scales) ia ki Nonghikai katkum ki kyrdan jong ki skul(categories of schools) naduh ki kyrdan primary,Upper primary,secondary,higher secondary haduh ki kyrdan lecturer ne professor ha ki college.Dei ka sorkar Meghalaya kaba la rai(resolved) ban pynrung(inducted) ia ki katto katne ki skul ba kham rim bad kham paw ba kin hap ha ka kyrdan Deficit.Ka jingpynrung Deficit ba khadduh (last deficit induction) ia ki skul sha ka Deficit system ha Meghalaya ka la long ha u snem 1988 ha ka por ba u (L) P.A Sangma u la long u Chief Minister ka Meghalaya bad u (L)B B Lyngdoh pat kum u Chairman jong State Planning Board.Naduh katei ka snem,ym don shuh ki sorkar ha Meghalaya kiban nud ban pynrung thymmai bad kyntiew kyrdan thymmai(upgraded) sha ka kyrdan Deficit lait tang ha ki kyrdan Adhoc. Kumno kat kane ka kambah kamsan(major govt.policy) la shu leh tang ha ka kyrdan u ophisar sorkar marwei-ar ngut?Hato! ki lah seh ban shu pynkylla khongpong tdong-tdong khlieh-khlieh katba mon khlem ka rai ka sorkar(cabinet decision)?Haba thaw bad rai ka sorkar,dei ban rai bad pynduh hi da ka sorkar.Ha kito ki snem ba ka sorkar Meghalaya ka la shimti noh iaia ki skul primary na ki Autonomous District Councils(ADCs) ruh,ka dei ka sorkar kaba la rai rangbah ha kito ki por bad ka iai neh haduh mynta mynne..Hato!, tharai,tang da ka bor uwei u ophisar ka lah seh ban long ban pynphai biang ia ki skul primary sha ki ADCs? Lada ki nud ban shu leh stad ia ki jingpynduh ia ki skul deficit,ym don jingeh ba kin leh da kaba pynphai biang ia ki skul primary sha ki ADCs.lada lah ban leh tang da ka jingpynbna sorkar(official notifications) jong ka Education Dept. marwei.Nangne shakhmat,ka sorkar Meghalaya ka la dei ban husiar bha bad ban pyrkhat bha ruh ba ioh ka paw biej bad paw leh rain ei kha ma kha hakhmat ka pyrthei lada la shu leh ia kiei kiei ki bym dei,ki bym shong nongrim ne kiba ktah ia ka lawei jong ki skul bad ka thoh ka pule ha ka jylla baroh kawei.
