Ka Dr. H. Gordon Roberts Hospital myn ha ka 25 tarik u bnai Nailur ka la ioh ban plie ia ka iing pynkha kamra klas ha ka mala kaba khatduh jong ka Iing sah pule kaba ai jinghikai ia ki khynnah pule Nursing kaba don ha Jaiaw Robert Hospital.
Ia katei ka jing pynkha kamra klass thymmai na ka bynta ki khynnah pule la khap ribon da ka Kong V.A. Sohkhlet kaba dei ka Anderson Structuaral Consultants katba ia u mawnongrim la plie da u Moderetor Khasi Jaintia Presbyterian Assembly u Pastor D. Rymbai ia kaba la donlang u Dr. S.S. Majaw Chairman Hospital Governing Board u Dr. R. Nongrum bad ki nongtrei ka College of Nursing Robert Hospital.
Ha katei jingplie ia ka kamra klass ba thymmai kaba kynthup ia ka kamra klass komputor ki kam ai jinghikai kumno ban sumar ia ki nongpang la shim bynta lang ruh da u Rev. Evan Morgan uba dei u President ka Presbyterian Church Of Wales lyngba ka Online internet uba long ruh kum kongsan ban ai jingkren.
Ia katei ka jaka pule nursing jong ka College of Nursing Robert Hospital la iarap syniang pisa da ka balang na Presbyterian Church Of Wales
