Shillong – Ka kong Isawanda Lalao. IAS, Deputy Commisioner. East Khasi Hills Distrik myn ha ka 30 tarik u Nailur ka la plie paitbah ia kawei ka Projek Thymmai “Child Friendly Shillong” ha ka jingialang kaba lyngkot kaba la long Nongthy mmai Parish Hall, Nongshilliang.
Katei “Child Friendly Shillong” kaba don ha Shillong la pyniaid da ka Bosco Integrated Development Society kawei na ki seng treimon na ka bynta ki khynnah ki khyllung ka la shim ia ka sien jam ban peit ia ka jingbit jingbiang jong ki khynnah ban ioh ka por ka samoi ban ialehkai ban ialehkmen ka koit ka khiah bad ka bam ka sa kaba ki dei ban ioh.
Ia katei ka Child Friendly Shillong ka long ban saindur ia ki khynnah ki khyllung ba kin ioh ka por ban pynlut ia ka jingkmen jong ki ha ka jinglong khynnah namar ki por mynta ki la shah pyrkhing ha ka pule ka dangle shuh shuh kane ka la ktah bha ha kane ka pakhang dam jong ka sorkar namar u Covid 19.
Ka Kong Isawanda Lalao haba ai jingjingiaroh ia ka Bosco Integrated Development Society Shillong kaba la wan shakhmat ban iatrei lang bad ki bor sorkar namar ka jingdonkam jong ki khynnah. Katei ka Projek Child Friendly ka long kyrpang ruh ia kito ki khynnah ki bym don nongri nongsumar bad kiba la duh ka jingieid na ki bahaiing ha sem.
Katei ka DC ka pynsngew ruh ka jingdon kane ka Child Friendly Club ka dei ban peit ia ki kam thombor jong ki khynnah khyllung, ka hok jong ki kaba ki dei ban ioh bad ka dei ban ioh jingkyrshan na ki nongshong shnong bad ki khlieh nongsynshar shnong bad kiwei kiwei.
Ha katei ka prokram lyngkot la iadonlang Fr.Genesius Wanniang Executive Director Child Friendly Shillong Bosco Integrated Development Society u Bah Thomas Malai Dkhot katei ka Society ka kong Eva Synrem kaba dei ka Project Ophisar ka Child Friendly Shillong.
Haba ioh ban iakren pat bad ka kong Eva Synrem kaba dei ka Project Ophisar ka Child Friendly Shillong hadien ba la wai ka jingialang ka la iathuh ka thong jong ka jingmut ka Child Friendly ka long kum ka club jong ki khynnah ban lum ban lang ha ki dong ki thaw jong ki shnong ne ki jaka ri khunswet da ki khynnah ia ki khynnah.
Ka jingdon jong kane ka Child Friendly ka long ban ai jinghikai ia ki khynnah ia ki kmie ki kpa ia kiei kiba don kam ban leh ban tip ha kaba iadei ka hok jong ki khynnah kum ka jingiarap bad jingioh jingkyrshan ia ka sorkar. Kane ka club ka dei ban tip ia ki lad ki lynti kiba ka sorkar ka ju theh jingiarap bad ban shim kabu ia kaei kaba ka sorkar ka la ai ia ki khynnah.
Ka kong Eva Synrem ka iathuh kane ka Club ka dei ban iaid ban pynsngewthuh ia ka skhim jong ka sorkar kum ka MHIS Card ba bun ki kmie ki ki kpa kim pat ioh.
Ka mat kaba kongsan ka dei ban tip ia ka jingshah ban bein ki khynnah kaba ki shem ha ki shnong ki thaw ba ki shong kum ka jingioh hok ia ki jingbam ba ju ai ki ICDS pynsngew ka Project Ophisar ka Child Friendly
