Shillong: Ka synjuk ki nongthoh khubor ka jylla hapoh ka lama ka Shillong Press Club, kim lah ban khlem da pynpaw ia mka jingsngewsih kaba khraw, hadien ba uwei na ki nongthoh khubor ba la paw bad ba la Rangbah tam ha ka kam, u Tilak rai, ula khlad noh hynnin ka sngi ka 28 tarik nailur 2021.
Ia Tilak la kha ha u Rymphang u snem 1965 bad kaba kham phylla ban tip ka long ba u Tilak u la sdang ia ka kam thoh khubor ka jong u bad kawei ka kot khubor Lum Shyllong ha u snem 1990-91 ka jong bah Bindo M. Lanong kaba nangne pat shakhmat u Tilak u la don bynta bad kiwei pat ki kot khubor phareng Shillong Times, Meghalaya Guardian, bad kumjuh bad kawei na ki kot khubor bna nam ka ri Indian Express kaba u la ieh noh ha u snem 2003.
Wat hadien ba u Tilak u la ieh noh ia ka Indian Express, u la bteng ban trei ia kane ka kam d akba sdang ban iadon bynta bad ka kot khubor kaba pynmih man la ka sngi ha ka por nohphai sngi ka Evening Mail bad hadien kane, u la sdang pat ia ka Oh Meghalaya kaba dei ka news portal ha u snem 2008.
Halor kane ka jingkhlad noh ka jong Tilak, ka Shillong Press Club ka la shong ia ka jingialang sngewlem ka jong ka ha shlem treikam ka jong ka ha Lower lachumier, kaba dei ha kane ka jingialang la lah ban iohsngew bad ban tip sani ia ka kam thoh khubor kaba u Tilak u la noh synniang sha ki paid jonfg ka jylla.
Kum u nongthoh khubor, u Tilak u long da shisha uba nep bha bad u bym juh riej ne tieng ban sei madan ia ka kam baroieh bad ha khmat jong u, ka kam dei beit ka kam bad um juh iapein satia ia ka kampher wat lada u don eh ia ka jingiajan ne ia ithuh ithaw, hynrei haba dei ia ka kam, u da long shisha u nongmuna ia ka lawei ki nongthoh khubor jong ka jylla.
Kiba bun na ki nongthoh khubor ba la rung ha kane ka kam hadien jong u Tilak, ki kynmmaw burom ia ki matti ba u la ieh bad ha ka juh ka por kum u briew uba kloi ban iarap ia kiba dang shu wan ban rung thymmai ha ka kam, ban bsuat ha ki ia katta ka mynsiem ban long kiba shlur bad bym riej ban thoh ia ka jingshisha khlem da ia pein satia ia la ka jong ka kam kumba la bynshet ha ki.
Ia ka jingialang la pyniaid da u President SPV bah david Laitphlang bad ka jingsngap jar kaba shi minit.
