U nongialam ka Congress Legislature Party uba dei ruh u Myntri Rangbah barim, u Dr Mukul Sangma u la kubur ba ka don ka kynrum kynram hapoh ka party, hynrei u la kyntait pat ba u don jingthmu bad kiwei ki MLA ban mih na ka Party. U la iathuh ruh ba ki nongialam hapoh ka All India Congress Committee (AICC) ki la khot iakren ia u sha Delhi bad un mih ha ka 3 tarik mynta u bnai.
U nongialam ka Congress u la ong ba ka kynrum kynram ha ka party ka la paw ruh shabar, bad ki don ruh ki bym lah shuh ban shah da kaba ai nuksa ia u MDC uba la jop 4 sien n aka Congress, u Bah Lamphrang Blah uba mynta u la mih noh ban iakhun ia ka election MLA shiteng samoi na kawei pat ka party.
U la ong ba kine ki dei ruh ki dak ki shin, bad kum u nongialam u kwah ban pynbeit ha ka por kaba biang shwa ba kan mih shuh shuh ka jingiapra hashwa b aka party kan leit sha ka election ha u snem 2023.
