Shillong – Ka Khasi Hills Automous District Councils ka dei ka jaka ialehkai khun jakai jong ka kam sain pyrthei naduh mynshuwa. Ia kane la ,paw shai ia ki nongialam paidbah kumba la ioh ha ki lad pathai khubor ba u bah Lamphrang Blah u MDC ka Seng Congress na Mawphlang un sa leit pyniasoh noh bad ka seng National People Party ha kine ki sngi ban wan na ka bynta ban ialeh elekshon hadien ka jingkhlad noh u Bah S.K. Sunn.
U Bah Lamphrang Blah MDC ka Seng Congress uba la mihkhmat la saw sien kynthih na Mawphlang -Diengei Konstituensi bad u dei u Nongialam ka Liang Pyrshah ha KHADC. Ka jingphet jong u Bah Lamphrang Blah na ka Seng Congress namar ba um ioh ticket ban iakhun Ilekshon MLA Shiteng Samoi na ka Mawphlang Konstituensi ia kaba ka party ka ai ia u Bah Kennedy u MLA barim na katei ka thain.
Na ka liang ki dkhot MDC ka liang Pyrshah ka Seng Congress mynta ka kynti ki la sah ha ka umdum mar iohi ha ki lad pathai khubor ba u nongialam jong ki un leit pyniasoh noh bad kawei pat ka seng.
Kumta ki dkhot ka liang pyrshah kiba kynthup ia u Bah P.N. Syiem MDC ka Mawkhar Pynthor Umkhrah u Bah Carnes Sohshang MDC na Mawkyrwat, u Bah Bajop Pyngrope MDC Rambrai, Bah Fantin Lakadong MDC na Laitumkhrah, Bah Balajied Rani na Nongpoh, Bah Gabriel Wahlang, na Nongstoin, Bah Charles Marngar na Mawhati ki la klumar jingmut.
Hapdeng ka jingsah umdum jong ki ia katei ka khubor ki la lum ia ka jingiakynduh lang ban iakren ban iasyllok kumno ban pynwan biang ia u bah Lamphrang Blah u MDC kum u nongialam jong ki. Ha ka jingkynrum kynram kaba la ktah ia ka seng Congress namar ka ticket ialeh elekshon shiteng jong ka Mawryngkneng bad Mawphlang; kitei ki MDC ka Seng Congress ki la ap dngong beit ha KHADC ban ioh ia kynduh ia u Bah Lamphrang Blah.
Na ka liang u Lad pathai khubor uba la ap kmang ban ioh ia kynduh ia kitei ki MDC ka Congress Aiu ki don ban ong. katkum ka jingioh ring dur la iohi ba ki MDC Congress ki la rung ki mih na kawei ka kamra sha ka kamra u Nongialam Pyrshah lai sien laiwat; kyntang iawai wan mih kynsan u Bah Lamphrang Blah bad iakynduh ia ki.
Na ka liang kitei ki MDC ki la ioh ban ai khublei kitbok kitrwaing ia u Bah Lamphrang Blah ha kaba u Bah Bajop Pyngrope u la pynpaw ka jingbynnud ia u paralok uba la mih bunsien na ka Mawphlang Konstituensi haba kylli kaei kaba pynlong ia u bah Blah ban ieh noh ia ka Seng Congress na ka linag u Bah Bajop um lah ban ong ei ei ka shong ha ka party ban pyrkhat. .
Hab akylli pat na u Bah P.N. Syiem MDC ka Mawkhar Pynthor Umkhrah u la iathuh ban ong ei ei ia ka jingiakynduh lang jong ki, ha kamra Conference jong ka KHADC; hynrei dei tang ka jingiakynduh bad phylliew jingmut na bynta ka Session ka ban sa long la 22 tarik mynta u bnai kam don bynta bad ka jingieh noh jong u Bah Lamphrang Blah na ka Seng Congress khlem iakren ei ei pynkut u Bah PN. Syiem.
