Shillong Nailur 30: Myn ha ka 30 tarik u Nailur ka Hynniewtrep Achik National Movement (HANM) ka la leit ban iakynduh ia u Symbud Myntri Rangbah ka jylla u bah Prestone Tynsong halor ka bhah thung kam thung jam ia ki briew ka jylla ha ki kompani shimet.
Ha ka jingleit kynduh jong ka HANM ia u Bah Prestone Tyngsong ki la pynsngew ba ka sorkar ka kwah ban pyndep noh hapoh 6 bnai iathuh u Chairman ka Employment Cell ka HANM u bah W Sohtun ha ki lad pathai khubor ha Shillong.
u la kular ba U Chairman ka Employment Cell ka HANM u bah W Sohtun ka seng ka la leit ban dawa na u Symbud Myntri Rangbah ka jylla ba dei ban thaw aiñ na ka bynta ban bthah ia ki kompani shimet ban bhah kam kyrpang haduh 80 na ka 100 ia ki samla ka jylla Meghalaya. Na ka liang u Symbud Myntri Rangbah hapoh hynriew bnai ka sorkar kan shim ia ka rai ban thaw aiñ na ka bynta ki kompeni shimet halor ka jingthung kam ia ki samla ka jylla pynsngew u bah W. Sohtun.
U bah Sohtun u bynrap, ba ka jing bym ioh kam ka pynlynga ia ki samla ka jylla bad kane ka wanrah ka jingbym suk ha ki ïing bad dei namar kane ki ïing ki pra bad kane ka wanrah ka jingbym shong shngaiñ hapoh ka jylla baroh kawei. Ka jingdawa mynta ka kynti la sakhi ka jingkiew ki samla ki bym ioh kam ioh jam haduh 40 percent bad kane ka long kaei kaei kaba sngewsih bad kaba buh jingeh iaki longiing kiba duna jingioh bad kiba la biang ka jingpule.
Haba iadei bad ka jingdawa bhah kam kyrpang haduh 80 percent ia ki samla ka jylla ha ki kompeni shimet, u bah Sohtun u la iathuh ba kiwei ki jylla kum ha Haryana, Andhra Pradesh, Karnataka, Madhya Pradesh bad ha Maharashtra ki la thaw aiñ ban bhah kam 70 haduh 80 percent ia ki samla jylla ha ki kompeni shimet bad ka sorkar Meghalaya ruh kadei ban shim nuksa na kine ki jylla naka bynta ban kyntiew iaka jingioh kam iohjam ki samla ka jylla.
“Na ka liang ka HANM ka ieng skhem ban dawa bhah kam kyrpang haduh 80 percent ia ki samla ka jylla ha ki kompeni shimet bad halor kane ka sorkar kadei ban thaw aiñ kyrpang khnang ba ki kompeni kin bud ia kane” u la ong.
