Shillong: I kong P. Nongphut, iwei na ki nonghikai ka Madan Mawkhar Upper Primary School i la pyniasyriem ia bah PT Sawkmie, MLA barim kum ia u Pandit Jawaharlal Nehru ha ka sngi rakhe ia ka Children’s Day ne rakhe kynmaw burom ia ki khynnah kaba la pynlong da ka skul ha ka sngi Thohdieng ka 14 tarik u Naiwieng, kaba dei ruh ka sngi kha u Nehru.
Kiwei kiba la kren ha kane ka sngi ki pynpaw ruh ia ka jingsngew jong ki, ba ki kwah ia i bah PT Sawkmie ba in long biang kum u MLA jong ki.
Katba na ka liang u Bah Sawkmie kum u kongsan u la ai khublei Children’s Day kyrpang ia ki khynnah skul ha kane ka sngi bad u la kyntu kynpham ruh ia ki ba kin long kiba tip sngi.
Ha kajuh ka por ba kin burom bad basngewnguh ia la ki kmie ki kpa bad kumjuh ia ki nonghikai.
Ha kane ka sngi la ioh ruh ia ka jingkren na i Headmistress i kong Rachelda Lyngdoh bad na u rangbah shnong Madan Mawkhar, kiba la ai khublei ia bah Sawkmie ia ka jingdon ryngkat jong u.
Kum shi bynta jong ka jinglehkmen u bah Sawkmie u la ai sngewbha ruh sha baroh ki khynnah skul.
