Donkam ban pynneh-pynsah ia ki Riam Tynrai ha ki jaka treikam. Coloumnist Babu Kular Khongjirem

Ha ka sngi sdang(opening session) jong ka Meghalaya Legislative Assembly, U Chief Minister ka Meghalaya,U Conrad K Sangma u la kyntu bad ai jingmut(suggested) ia u Speaker ka Meghalaya Legislative Assembly, u Thomas A Sangma ba u dei ban bthah(instructed) ia ki MLA baroh ba kin ia riam Tynrai noh la kumno kumno shisien shi taiew,kampher la ka dei kano kano ka sngi longtrei ne long Assembly khnang ban wanrah ia ka jing i shongkun bad ban pynneh-pynsah bad pynphuh pynphieng ia la ka riam Tynrai lajong bad kum ka burom ka ijot ruh ban kyntiew bad pynpaw pyrthei ia ka jing i shongkun jong jaitbynriew Khasi-Jaintia bad Garo. Kane kan pyni ruh ba dei ban sdang shwa da ki nongialam paidbah kum ki MLA/MDC bad ia ia bud sa ki paidbah ter ter.Haba ong riam Tynrai,kam mut eh ban da spong,bohkhaila, riam shad khasi-Jaintia ne Garo, hynrei tang da ka riam ba itynnad bad i shongkun(dress code) kum ki shynrang(gentlemen) ne kynthei(ladies),kata hi ka la biang iangi. Kane ka jingkyntu na ka shyntur ba donburom u Chief Minister ka Meghalaya ka la long kaba kit bad don jingmut shibun.La iohi ba ka riam Khasi-Jaintia bad Garo mynta ka la nanghiar nanghiar(eroded) arsut katba nangmih ki sngi ki snem.Ym i lah ithuh shuh kino ki kynthei bad kino pat ki shynrang.Yn nai iakren shuh ia ka rukom riam stai(stylish dress).Ha ki lad ki lad(special occasions) lei lei, ym i nud shuh ki riew rangbah ne riew donburom ban peit ruh namar “la i lehrain sa u nongpeit ia u nong eit”.Ki khynnah samla lei lei ym nai iakren shuh, kim treh riam shuh da ka riam lajong namar ki sngewlehrain bad sngewpoh shibun ban riam bad phong da ka riam lajong.Dei kiwei pat ki jaitbynriew pynban(non Khasi) khamtam ki kynthei khyllah jait kiba sngewtynnad bad kwah hir hir ban pyndonkam ia ki jain kyrshah Khasi jongngi.Kiwei ki kwah ia ka jongngi,mangi pat ngi khein bein bad niewpoh pynban ia la ka lajong. Lada phim nang ban riam stai( style) kin dang khot bad niewnein niewpoh iangi la kum ki riewdum ne ki juk maw.Dei ban phong ruh da ka sopti kiba iohi(tranfarent) bad ka patlun ruh kaba pynpei thliew baroh ne pynjot khnang bad dei ban pynmih ruh da ki ksai jylwep na man la ki thliew patlun ba la pynpei thliew hynrei ym pat long ban iaid ne mih sha ki jaka kum ka Khyndailad(police bazar), Laitumkhrah,etc. Kaba donkam eh ia u Chief Minister kalong ba u dei ban ai hukum ban bthah(instructed) shwa ia baroh ki nongtrei ophis(office) sorkar lajong ha Meghalaya ba ki dei ban riam da ka riam Tynrai(dress code) khamtam ia ki khynnah samla.Kam itynnad satia ba ki samla khynthei ha man la ki office sorkar ba kin phong katba mon kum kaba phong jean ne patlun.Kumba long hi mynta,ki longkmie ba kham rangbah(ladies),haba ki leit sha ki jingtrei jongki, ki da sem i shongkun,i don burom bad itynnad bha.Ki da sem bha da ki jain sem(kampher ki riam ne sem Khasi,Jaintia ne Garo).Kane ka rukom ka iai neh naduh ka por jong ki Phareng haduh ka sorkar Assam haduh kine ki sngi kiba mynta.Ki Nurse,ki Doctor ha hospital ki da riam da ka riam ba i donburom( dress code ) jongki. Don ruh ki Company ne kynhun kiba da phah riam hok ia ki nongtrei jongki la kidei ki kynthei ne shynrang ha ka por ba ki leit trei ha ki jaka trei jongki.Kumba ka long mynta,imat, dei sa tang ki nonghikai ha ki skul ne College kiba dang bat shisha ban riam da ka riam nonghikai khamtam ki kynthei(ladies).Ym ju kham iohi koit ia ki Miss ba kin hikai ia ki khynnah skul ha kamra klass ba kin phong da ki patlun ne ki jean namar kam itynnad satia(not wise).Baroh kida sem donburom ban pyni ia ka riam ba shisha(real dress code) hakhmat ki khynnah skul lait noh tang ha ki khep ki khep(special occasions) kum ka excursion,study tour,.education ne field trips,etc. Ka sorkar bad ki bor pyniad skul ki la dei ban iai pynneh bad pynskhem ia kane ka rukom riam(dress code) khnang ban pynneh pynsah, bad i shongkun shisha bad ban pyni ruh ia ka jinglong tynrai jongngi kum ka jaitbynriew hakhmat kiwei ki jait bynriew(outsiders) kiba peit bad bishar ia ka jinglong tynrai jongngi kum ka jaitbynriew ha kane ka pyrthei ba iar.