Shillong: Shuwa ban long ka jinglehniam ka Hima Khyrim dei ban sop shuwa ia ka Iing Sad ka Iing Niam ka Hima. Ki da buh ba dei tang ha ka sngi Rynghep (Traditional Market Day) ban sop ia ka Ing Sad. Shuwa ba kin lied ia u phlang, u Sohblei Mawroh u dei ban kiew nyngkong halor tnum ka Ing Sad bad u sdang ban lied ia u Satep , hangta ki sa ia kiew ki paidbah ban ia lied pyndep. Ki ju sop tang shilliang ia ka Iing Sad man la u snem bad dei ruh ban pyndep sop ia ka tang shi sngi. Sha ka liang mihngi ha kawei ka snem bad sha ka ling Sepngi ha kawei pat ka snem.
Ia kane ka kam sop Ing sad ka dei ka kamram ki khun ki hajar kiba shong ba sah ha shnong Umphrup, Smit, bad kiwei kiwei ki khun ki hajar kiba wan ban iarap sngewbha.
Haba iadei bad kane, u t7 mynta ka sngi, u la ioh ba un iakren bad u Kongor ban ia tip kham shai bad sani bha shaphang ka jingsop traw , ha aba hap ban da phiang bad sa khylliap hdien yn sa khreh naka bynta ban tap bad ban sop ia ka iing sad.
Haba la sdang ka jingpynkhreh pynkhrum, ka da don beit ka bynta jong ka niam naduh shwa ban phing ia u traw bad ha ka por ba phing ruh hap ban d tip ki raij aiu bad ka raij aiu ban shimti nyngkong kumta ter ter.
Ha ka por ba sop ki paid nong shnong shnong ka Smit ki shimia kabynta ka jong ki da ka jingiarap lang na kiwei pat ki raid.
Balei pat ba la sop tang da u traw, na ka jingiathuh u Kong-ngor, la juh tip ia u traw kum u Syiem jong ki phlang.
Uwei pat u riew Rangbah uba shemphang bad ba tip janai bha shaphang kane ka kam dei Bahduh uba lah ban pynthymmai biang ia kane ka iing sad ka iing sunon, lymda dei ma u, lehse la lah ruh ban shu ia sah ha ka umdum b du don iaka bor ba phyla bad ba da maian haduh katta katta ba da kumno tang hapoh 7 bnai ban pynieng biang ia kane ka iing sad kumba ka long mynta.
Hadien ba la dep ban sop ia u traw, ki Duhalia sa poi ban sah, ba kin ia shong ia lum lang ban ia ia hikai ne practice biang hpdeng jong ki ha kaba kin tem ia ki ksing rong bad janmiet kin tem ia ki ksing niam, khnang ban nym don ka jingbakla ha ka por ba leh niam bad baroh don haduh 27 tylli ki skit ne ki rukom ban tem.
https://youtu.be/AKQOnwKydP0
