Dei ban knieh noh ia ka licence lada lap ba ki driver ki buaid por ba niah ia ka kali: Saleng
Shillong: U MLA ka Gambegre ba dei artad u nongia;lam ka seng NCP ha ka jylla, u saleng A Sangma, u la ong ba donkam ban knieh shi syndon ia ka licence jong ki nongniah ne ki driver jong ki kali, lada lap ba ki buaid ki tanglang ha ka por ba niah ia ka kali.
Ka jingpynpaw u saleng ia kane, ka dei hadien ba u la ioh jingtip shaphang ka jingkhlad noh ki san ngut ki briew bad mynsaw haduh 9 ngut ha ka jinghap noh jong ka Bos ka Meghalaya Transports Corporation, hynnin ka miet shiteng synnia hapoh ka wah Ringdi, ba dkane ka bos ka dei kaba la mih na Tura ban wan sha nongbah Shillong.
U Saleng u la ong ba kum kine ki jingjia ba sngewsih ki jia long namar ba ka sorkar kam shym ia katta ka jingkitkhlieh, kaba bunsien ki jingjia ba sngewsih ha shi lynter kane ka surok bah ka la juh iai jia khah khah, pynban ym don pat ki bor ban ong ban peit ne ban tehlakam ha ki lynti ki syngkien ban peitngor ia ka jingshngain jong kiba leit ba wan.
U Saleng u la kynnoh ba ka daw tynrai jong kine ki jingjia ka dei namar ba tlot bad synjor palat ka jingpyntreikam ia ki ain ki kanun, khamtam lei lei ban don ki khyrdop ba donkam ban pynieng khnang ban ioh ban peit bad khmih bniah la ki nongniah ia ki kali ba kit ia ki paidbah ki la buiad ha ka por ba ki niah ia ka kali, hynrei kaba sngewsih pat ka long ba kam juh don bad dei na kane ka daw ba ki jingjia ba sngewsih ba kum kine ki jia kaba kha ma kha ka shim ei ia ka jingim ba kordor jong ki briew bad katno tam lei lei haba u ioh jingtip ba kiba khlad ha kane ka jingjia mynta ka kynti dei ki khun samla kiba dang iohi jngai naka bynta ka lawei kaba phyrnai ka jong ki.
