Ka nongialam jong ka seng Congress ha ka Jylla kaba dei ruh ka Myntri ha ka Sorkar barim, ka Deborah Marak ka la kyntu ia ki ar ngut ki nongialam ka party, kata u Mukul M Sangma bad ia u president ba thymmai ka MPCC, u Bah Vincent H Pala ban klet noh ia ki jingiapher jingmut, bad ban iatreilang noh na ka bynta ban pynkhlain ia ka party.
Ka MLA barim na Williamnagar kaba pynpaw ia ka jingsngew diaw ia ki kynrum kynram kiba mih ha ka party, ka la ong ba ka long kaba donkam ban pynbeit noh ia baroh ki kynrum kynram hapoh ka party kloi katba lah, ha kaba ka la kyntu ruh ia ki nongialam ka AICC na Delhi ban iakren bad ki 2 ngut ki nongialam ka party ha Meghalaya.
