Ka Jingiakhih jong ka Party Cockroach(CJP) bad ka jingktah ia ka Ri India. Babu Kular Khongjirem.

Ka Jingiakhih jong ki samla pule ( students movement) hapoh ka jingialam jong ka Cockroach Janata Party(CJP) ka la nang rhem nang rhem(gains momentum) mynta ha kylleng ka ri India.Ka jingangnud ki samla pule kalong, ym tang ban phah iehnoh kam(resignation) ia u Myntri ka Thoh ka Pule(Union Education Minister), u Dharmendra Pradhan bad ka jingbakla lut(completely failure) jong ki Exam rung kam(NEET) baroh lai ne saw sien ba ki pynlong(conduct) hynrei khamtam tam ban wanrah noh ka jingpynkylla thymmai (transform/reform) ia ka rukom leh bad rukom pyniaid ka sorkar India ia ka Thoh ka Pule kaba la rim bad pynsniew dur pynban ia ka pule puthi (outdated defective Education System in India) ha ri India baroh kawei. Ha kane ka Education system jong ka ri India kaba mynta(present Education system).ym tang ba ki ioh ban leh thok, ki kamai pisa rieh napoh napoh ia ki rukom pyniaid Exam.hynrei ki shim kabu ruh ban ioh pyn pass bha tang ia kiba ha iing ha sem, ki lok ki jor bad ki briew kiba iajan bad kito kiba long heh long hain(high levels).Kito ki khynnah pule kiba stad hynrei kiba wan na ki longing long sem ba duk ba suk(poor family) bad kiba kham duna ha ka ioh ka kot bad ka kamai kajih(medium income family) ki la duh jingkyrmen bad shah leh bein ia ka hok i oh kam ioh jam jongki.Bun ki longing ba duk ba rangli bad ba kham duna kamai ki la ngiah bad kdang hi shoin wat ban phah pule ia ki khun ki kti jongki namar kam don jingmyntoi shuh wat lada ki pass bha ha ki kyrdan bapher bapher namar kim iohkam satia bad ym don ba khein briew satia hi ruh ia ka jingstad ba shisha bad ba dei hok jongki.Dei kane kein kaba la pynkhih win ia mynsiem jong ki samla pule ba dei ban wanrah noh da ka rukom treikam kaba thymmai ia ka Thoh ka Pule(to reform/transform the present Education system) khnang ba kan wanrah noh ka jingmyntoi, ka jingkyrmen, bad ka jingleh hok bad jingbishar hok( justice) khlem da leh shiliang khmat iano iano ruh.Kiba dei hok kidei ban ioh hok kampher la ki dei kiba duk ba riewspah,ki nongsor ne nongkyndong,ki kynthei ne shynrang khlem da peit ba dei kiba ha iing ha sem ne para nongkyrshan party jongki.Lada dang eh kane ka rukom,ka thoh ka pule kam don jingmut shuh(meaningless) bad kam don jingmyntoi shuh(useless) ha ki longing longsem kiba don ki khun ki ksiew kiba tbit bad stad bha ba kin pyndep ia ki jingpule kiba shajrong(higher qualifications) Kum kane ka Jingiakhih ban pynbha bad pynjanai ia ka Thoh ka Pule(New revolution to reform/transform the Education system) dei ban ai jingkyrshan lang da baroh ki nong India ym tang ki samla pule hynrei ki Kmie ki kpa bad baroh kiba ha iing ha sem jong ki samla pule namar ka ktah lang solonsar ia baroh.Lada jop ha kane ka Jingiakhih( public/people movement),dang don jingkyrmen ia ka pateng(future prospect) jong ka lawei ki khun samla jongngi.Lada rem(failed) kane ka Jingiakhih mynta,lah wai noh ka jingkyrmen jong ki khun samla pule jongngi nangne shakhmat. Kane ka Jingiakhih ban pynkylla thymmai(reform the Education system) ym dei ba ka ktah tang ia ka ri India,hynrei dei ban pynkylla thymmai ruh hangne ha ka state Meghalaya jongngi.Ki samla pule kiba pule hangne ha Meghalaya bad khamtam kito kiba la leit pule shabar ka jylla ki kham sngewthuh bha ia ka jingshyrkhei bad jingsniew dur kaba la palat ha ka thoh ka pule jongki ha kane ka state jongngi.La ki la ia pass ia ki kyrdan ba heh ba heh(higher qualifications), ki kyrdan Engineers,Doctor,Phd,MA, MSC,M.Com,etc,ki shu shong ing bad shong thiah thai ei baroh shi snem-ar-snem khlem kam khlem jam bad lap sa ka dier por ka rta wad kam ba la palat ka ryta wad kam(over age) ban apply kam.Shaei kane ka policy kan ialam ia ka lawei jong ka ri bad ka jaitbynriew jongngi.Tang kiba phong ia ka juti kiba sngewthuh bha ba thar u prek.