11.1 C
Shillong
Thursday, February 22, 2024

YN AIRENG KA NPP HA BAROH 3 TYLLI KI CONSTITUENCY, PYNTHIKNA KA SORKAR BAN NYM DON JINGPYNKHEIN KYNDON ELECTION

HEADLINES

SHILLONG, Nailur 28: Ka Sorkar Jylla mynta ka sngi ka la rai ban pynthikna ban nym don ka jingpynkhein ia ki kyndon election ki ban sa long na ka bynta ki ar tylli ki constituency kiba hap hapoh East Khasi Hills District.

Ka Election Commission of India mynta ka sngi ka la pynbna ia ka tarik ban pynlong ia ka election shiteng samoi ha ki 3 tylli ki constituency ka Meghalaya Legislative Assembly, ka kynthup ia Rajabala, Mawryngkneng bad Mawphlang. Katkum ka jingpynbna jong ka ECI ia ka jingthep vote ban jied nongmihkhmat ha kitei ki constituency yn pynlong ha ka 30 tarik Risaw 2021 katba ka jingniew ia ki vote kan long ha ka 2 tarik Naiwieng 2021.
U Myntri Rangbah uba dei ruh u President Rangbah ka National People’s Party, u Conrad K Sangma u la ong ba ka party kan buh kyrtong ha baroh 3 tylli ki constituency bad ia ki kyrteng yn pynbna mynta ka sngi.
Ha kawei ka liang u la ong ba ka rai jong ka ECI ka la shim da kaba bishar bniah ruh ia ka jinglong jingman ha kaba ia dei bad u Covid 19, bad pynpaw ba ka ECI kan sa buh ruh ia ki kyndon ban iada na ka jingiabit u khniang jingpang.
Na ka liang u President ka NPP Meghalaya una dei ruh u MP sha Rajya Sabha, u Dr Wanwei Roy Kharlukhi u la ong ba ka party kan sa pynbna ia ki kyrtong na ka bynta ki 3 tylli ki election shiteng samoi. U la ong ba ka NPP ka don beit ia ka jingkyrmen ban jop ha ki election ban pynkhlain shuh shuh ia ka party.
Haba kylli, u la ong ba ka NPP kam khein sting ia ka Congress ne ia kiwei ki seng sainpyrthei kiba iakhun pyrshah ha ka election.
- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

TRENDING